BUTUAN CITY – Gikumpirma ni Lt Jason Labadia, acting station commander sa Philippine Coast Guard Station Davao nga gi-relieve sa ilang pwesto ang pito nila ka mga sakop apil ang ilang commander human mitiklaob ang recreational vessel nga MCBA Amejara sa Davao Gulf.
Gipadayag niini nga gituyo kini aron dili ma-apektuhan ang nagpadayong imbestigasyon kalabot sa maong insidente samtang nagpadayon ang search and rescue operation alang sa na-missing pang 15 ka mga lulan niini.
Sigon ni Labadia, ang gipang-relieve mao ang naka-duty sa mismong adlaw dihang mibiya ang motorbanca talliwa nga wala kini tuguti sa maong ahensya.
Anaa na karon sa ikalima ka adlaw ang pagpangita sa mga biktima kansa lisod matud pa tungod sa kalapad sa Davao Gulf nga gitiwasan pa sa kusog nga balud ug dili maayong lakat sa panahon.
Mas gipalapdan pa ang search area nga mi-abot na sa parte sa Indonesia human napalgan sa Sarangan, Davao Occidental ang tripolanteng si Christopher Bulig.
