BUTUAN CITY – Giklaro sa regional director sa Bureau of Internal Revenue (BIR) Revenue Region 17 nga dili kalaban sa mga negosyante kundi kauban sa paglambo sa nasud ang Oplan Kandado program.
Sumala ni BIR Revenue Region 17 regional director Jose Eric Furia, dunay proseso silang buhaton ugaling dunay reklamo ngadto sa ilang opisina batuk sa usa ka establishemento.
Dinhe na sila mohimo og imbestigasyon pinaagi sa paglantaw sa record kung satisfactory ba ang pagbayad sa buhis sa gireklamong negosyante.
Mo-isyu na usab sila og mission order diin ilang ipa-survey ang maong establisamento sa ilang personahe nga naka-sibilyan lang aron masuta kung nag-isyuhan ba sila og resibo sa ilang mga customer lakip na ang gidak-on sa tindahan.
Nasayrang sa 78 ka mga balay-patigayon na ang na-isyuhan og closure order tungod sa paglapas sa Oplan Kandado dinhe sa Caraga Region kondiin nakakolekta kini og 18.5 milyones pesos.
