BUTUAN CITY-Padayong ipailawom sa Modified Enhanced Community Quarantine kun MECQ ang 76 ka barangay sa syudad sa Butuan kansa nagsugod kagahapong adlawa, Setyembre 23 hangtud Setyembre 30.
Kini subay na sa resolution sa Regional task Force One Caraga Shield tungod na sa nagkataas nga kumpirmadong kaso sa dakbayan sa Butuan.
Bugtong 10 ka barangay lamang ang gipailalom sa general community quarantine.
Ubos sa maong resolusyon ang pabiling gipatuman nga Curfew hours gikan alas-10 sa gabie hantod alas-4 sa sayong buntag ingon man ang liquor ban nga magsugod sa alas-5 hapon hantod alas-5 sa buntag. Extended usab ang pagpatuman ang color-coded quarantine passes hantod sa katapusan sa buwan.
Sa listahan sa DOH Caraga, Setyembre 22, adunay 99 ka dugang nga naulian, 3 ka patay, ug 114 ka bag-ong kumpirmadong kaso sa COVID-19 sa Butuan City.
Niabot na sa 10,398 ang kinatibuk-ang kumpirmadong kaso sa COVID-19 sa dakbayan. Ang mga naulian nikabat na sa 8,493 ug 290 na ang namatay.
Sa karon, adunay 1,615 ka mga aktibong kaso.Gihangyo karon sa LGU Butuan ang kooperasyon sa tanang Butuanon aron nga mapugngan ang pagdaghan pa sa kaso sa Covid-19 sa syudad.
