BUTUAN CITY – Patay ang napulo ka mga indibidwal lakip ang upat ka mga bata ug kapin sa 37 ang angul atul sa karambula sa mga sakyanan sa Tarlac City Toll Plaza sa may Subic-Clark-Tarlac Expressway, ning hapon lamang.
Sumala ni Police Lt. Col. Romel Santos, hepe sa Tarlac Provincial Police Office nga gibangaan matud pa sa usa Solid North Transit Inc. nga bus ang Van nga anaa nakapila sa may toll center. Ning bangga usab ang maong van sa gisundan niini nga comapact SUV, ug ang maong SUV, ning bangga usab sa nag-una niini nga tractor – kansa ning bangga napod sa nag-una niining SUV gihapon nga anaa sa payment line.
Una nang gikataho nga dunay 12 ka mga indibidwal ang namatay sa maong insidente, apan dali kining gikorehian sa mga otoridad.
Sumala sa imbistigasyon, walo matud pa ang namatay sa van, samtang walo ang angul. Duha usab ang patay sa compact SUV ug usa niini ang angul.
35 usab sa sa mga nangaangul ang gikan sa bus, diin lakip niini ang driver ingon man ang kondoktor.
Pag-angkon pa sa driver sa bus nga nakatagpilaw matud pa kini atul sa nasangpit nga byahe.
Sa kasamtangan, anaa na sa kustudiya sa kapulisan ang driver sa bus.
Alayon niini, nasuta nga lakip sa nadisgrasya kay magtiayon kansa dunay dala nga bata. Swerteng naluwas ang anak apan pagkumperma ni Marvin Guiang, ang head sa Tarlac Provincial Disaster Risk Reduction and Management Office, namatay matud pa ang nasangpit nga magtiayon.
Sa pagkutlo ning balita, gimando na ni Transportation Secretary Vince Dizon sa Land Transportation Franchising and Regulatory Board (LTFRB) nga suspendehon ang Solid North Bus.
