BUTUAN CITY – Halos 74-porsiento na sa mga anaa sa unang priority list sa Caraga Region ang natupukan sa Sinovac vaccines sukad kini gisugdan niadtong Lunes.
Sa eksklusibong pakighinabi sa Bombo Radyo Butuan, gipadayag ni Dr. Gerna Manatad, medical officer IV sa Department of Health-Center for Health and Development kon DOH-CHD Caraga, nga mi-abot na sa 2,986 ka mga healthcare frontliners ang natupukan sa unang doses sa bakuna as of kagahapong adlawa.
Kinse na ka mga priority hospitals ning rehiyon sa Caraga ang nahatagan og Sinovac vaccines nga maoy gitupok nila sa ilang mga healthcare frontliners.
Gidugang niining nahimong 15 gikan sa kanhi orihinal nga 11 lang ka mga priority hospitals nga natunulan sa maong bakuna tungod sa sobrang mga bakuna nga natupok na ngadto sa mga anaa sa priority list ning rehiyon kansa hapsay nga napahigayon.
