BUTUAN CITY – Gipanghimakak sa Philippine National Police nga duna matud pay mga kapulisan nga nisulong sa balay sa mga Duterte sa Davao City ning kadlawon, Mayo 1.
Sayrang gikataho ni Davao City 1st District Representative Paolo “Pulong” Duterte nga gikundina matud pa nila ang aksyon sa PNP Criminal Investigation and Detection Group nga pagpangaharass matud pa niini sa ilahang pamilya.
Sumala ni Philippine National Police Spokesperson PBGen Jean Fajardo, nga mismong si CIDG Chief General Nicholas Torre III na ang nikumperma nga peke ang nasanpgit nga mga balita ignon man ang pamahayag sa nasangpit nga kongresista. Suportado usab kini ni Davao City Police Chief PCOL Hansel Marantan.
Pasabot pa ni Fajardo nga dili matud pa batasan sa PNP nga magpagawas og ispekulasyon mahitungod sa motibasyon ug rason sa mga personalidad nga nagpagawas og mga negatibong isyu batok sa ilahang organisayson.
Sumala niini nga giisip na lamang nila sa ilahang han-ay nga ang maong mga isyu, kay parte sa ilahang serbisyu, ug andam matud pa nila kining atubangon.
Samtang, gipanawagan sa opisyal nga tabangan ang ilahang organisayson nga mapaabot ngadto sa publiko ang saktong impormasyon ug mabatukan ang disinformation.
Kahinumduman nga gikataho ni Representative Duterte kagahapong adlawa nga duna matud pa silay na monitor nga 30 ka mga membro sa CIDG ingon man 90 ka mga personahe sa Special Action Force kon SAF gikan sa Luzon nga nangabot sa ilaahang dapit, diin sigon pa niini nga nasayod matud pa sila kung hain padulong ang nasangpit nga mga kapulisan, ug nakarekord matud pa kini, dayong bahad nga moabot ra ang panahon nga manubag matud pa ang tanang nalambigit sa nasangpit matud pa nga harrassment.
