BUTUAN CITY – Miabot sa 72 ka police officers ning rehiyon sa Caraga ang migradwar kagahapong adlawa sa PRO13 Grandstand sa Special Weapons and Tactics Course nga nagtumong nga mapalambu ang ka-epektibo, ka-epesiyente ug tactical proficiency sa PNP personnel sa paghawid sa response scenarios ug armed encounters.
Ang bag-ong SWAT graduates mipakita sa ilang kapabilidad sa mga mitambong sa graduation ceremony.
Gi-demonstrate sa SWAT teams ang ilang buhaton sa mga high-risk encounters ug close quarters combat, tactical maneuver nga naglambigit sa physical confrontation.
Sa mensahe ni Chief Supt Gilberto DC Cruz, PRO13-director, gitumbok niini nga kung migradwar na sa maong pagbansay, ang tumong sa SWAT team mao ang hinanaling pagresponde sa mga makuyaw nga sitwasyun ug maghatag kanila sa malaumon ug dili bayolenteng pagsolbad.
Ang partisipante gilangkuban sa duha ka Police Commissioned Officers ug 70 ka Police Non-Commissioned Officers gikan sa nagkalain-laing Police Provincial Provinces, Regional Mobile Force Battalion 13 ug Butuan City Police Office.
Atol sa seremonya si, PSSG Billy Ray P Samillano gihatagan ug Award of Excellence human nakakuha sa pinakataas nga rating sa klase samtang si PMAJ RODOLFO D CADIZ JR gipasidunggan sa Leadership Award kauban si PMAJ ROMMEL S CACAYAN. Ang Top Gun Award gitunol ngadto kang Patrolwoman Rheianne C Gabunada human nakuha ang pinakataas nga rating sa individual practical drills sa parehong pistol ug rifle samtang si PMSg Ronald A Laro ang Strongman Award tungod sa highest rating sa physical fitness test ug uban physical training sa course.
Ang SWAT course milungrtad sa 45 ka adlaw nga gipahigayon sa Regional Special Training Unit 13 sa Santiago, Agusan del Norte.
