BUTUAN CITY – Gipaneguro sa Office of the Ombudsman nga ilang andam nga ipagawas ang kopya sa Statement of Assets Liabilities and Networth kon SALN ni Vice President Sara Duterte nga dinalian.
Sigon mismo ni Asst. Ombudsman Mico Clavano, gipaneguro nga kini mahatag sa kongreso alayon sa pagsunod sa subpoena sa House Justice Committee.
Sa nagpadayon nga pagdungog sa proseso sa impeachment hearing, nasabutan sa komitiba nga isubmite sa buhatan ang maong dokumento.
Base sa botasyon sa house panel, gitahasan ang Office of the Ombudsman nga ihatag ang kopya sukad niadtong 2007 hangtud sa 2013, 2016 hangtud sa 2022 og gikan sa 2022 hangtud sa 2024. Ang nasangpit nga tuig, mao ang pagka-mayor ni Sara Duterte sa Davao City og ang pagka-besi presidente.
Gipaneguro sa Ombudsman nga ilang tumanon ang responsibilidad nga musunod sa nakalatid sa batakang balaod.
Pagseguro pa ni Atty. Clavano nga dili lang SALN sa kasamtangan ang ilang andam nga isbumite kundi apil na kadtong alkalde pa kini. Giila matud pa nila ang hangyu sa kongreso nga subpoena.
Paspas matud pa ang proseso sa pagpangayu niini tungod kay e-endorso nila kini sa opisina nila sa Mindanao.
