71-anyos nga driver sa tricycle nga nag-guyod sa ering sa Pangasinan, nagpagawas na og pamahayag; wala matud pa siya nasayud nga dunay gihikot nga ering

BUTUAN CITY – Nagpagawas na og pamahayag ang drayber sa tricycle sa Pangasinan nga dunay giguyod nga ering samtang gihikot sa tricycle.

Sumala sa 71-anyos nga June Mendoza, wala siya nasayud nga dunay ering nga gihikot sa likod sa iyang tricycle nga posibleng binuhatan sa mga bata.

Dugang pa niini, wala siya’y intensiyon nga manakit o mosilot og mananap. Gane sa dihang dunay misinggit kaniya, iyang gipadaplin ang tricycle og gibuhian ang ering.

Nasayrang mi-viral online ang video diin makitang giguyod ang ering nga gihikot sa tricycle.

Sa nakuhang update sa maong ering, nahatagan na og first aid ang ering sa tabang sa mga barangay officials.