BUTUAN CITY – Padayong gihan-ay sa National Grid Corporation of the Philippines kon NGCP ang ilang Transmission Development Plan kon TDP alang sa tuig 2025 hangtud 2050.
Usa kini ka vital initiative nga nagtinguhang maghikyad og grid development ingon man expansion plans dinhi sa nasud. Sigon ni NGCP spokesperson Kristoffer Eric Abellanosa, kabahin kini sa ilang holistic approach aron masuportahan ang usa ka kasaligang energy industry. Naglusad na usab sila og stakeholder consultation kondiin ilang gipresenta ang ilang grid development plan.
Tumong sa plano nga makabaton og road map alang sa umalabot nga grid development sa ilang mga transmission line assets sa tibuok nasud sa ingon ma-align ang ilang plano sa tinguha sa gobyerno alang sa energy sector ug mga proyekto sa ubang mga power industry players.
Dugang sa opisyal, mikunsulta na usab sila sa mga nag-unang ahensya sa gobyerno sama sa Department of Energy kon DOE, Energy Regulatory Commission kon ERC, National Transmission Corporation kon TransCo, Philippine Electricity Market Corporation kon PEMC ug sa Independent Electricity Market Operator of the Philippines kon IEMOP.
Sigon ni Abellanosa, importante ang maong plano ngadto sa NGCP tungop kay naghikyad kini og lapad nga strokes, ilang panglantaw alang sa kaugmaon sa energy landscape sa nasud nga nakatutok sa nagtunhay nga mga proyekto ug mga grid plans.
Apil niini ang mga indicative project timelines, regulatory updates, proposed integration sa renewable energy sources, ug ang smart grid technologies aron mas ma-enhance ang efficiency ug sustainability.
Panapos ni Abellanosa, importante ang stakeholder collaboration alang sa kalambuan sa maong plano, tungod kay iyang gihatagan og gibug-aton ang mga panglantaw ug feedback gikan sa mga stakeholders, sa ingon mas mahapsay ang ilang mga plano ug mga programa.
