BUTUAN CITY – Mukabat sa 700 ka mga stranded Carganons nga gikan sa managlahing lugar sa Luzon ug sa Metro Manila ang padulong na dinhi sa Caraga region sakay sa barkong St Francis sa 2Go shipping lines.
Gikatakda silang mu-abot ugma sa alas-singko sa hapon sa pantalan sa lungsod sa Nasipit, Agusan del Norte.
Ang ilang pagpa-uli, gi-facilitate ni Philippine Economic Zone Authority kon PEZA Director General Charito Plaza uban sa pakig-alayon sa Inter-Agency Task Force kon IATF, Department of Interior and Local Government kon DILG, Department of Social Welfare and Development kon DSWD ug sa congressional office ni Butuan City ug Agusan del Norte 1st District Representative Lawrence Lemuel Fortun.
Sa maong ihap, 18 niini naggikan sa Buenavista; walo sa Carmen, 12 s Jabonga; tulo sa Kitcharao; 6 sa Las Nieves; 5 sa Magallanes, 16 sa Nasipit; usa sa RTR ug 2 sa Tubay pulos sakop sa Agusan del Norte samtang 17 sa Cabadbaran City ug 246 ang dinhi sa dakbayan sa Butuan.
Samtang sa lalawigan sa Agusan del Sur, usa ang natala sa Bunawan 1; 13 sa Prosperidad; 7 sa San Francisco; usa sa Talacogon; ug 3 sa Trento.
Samtang 48 ang natala sa Surigao del Sur samtang sa mga lungsod niini, unom ang gikan sa Cantilan; 7 sa Tandag City ug upat sa Tagbina.
Ang Surigao del Norte nakatala usab og 75 samtang 56 sa Surigao City ug 2 sa lungsod sa Tubod sa maong lalawigan samtang 37 usab ang natala sa Dinagat Island province.
