BUTUAN CITY – Gibulgar sa Israeli military nga ila nang nakontrol ang 60 ngadto sa 70- percent sa Rafah City sa southern Gaza human ang kapin 40 ka adlaw nga ground offensive, kondiin apil sa ilang nakontrol ang mga lungsod sa Shaboura, Brazil, Tal as-Sultan, ug Philadelphi Corridor.
Mi-abot na sa 22 ka sundalo ang namatay ug kapin 300 ang samdan sa nasangpit nga giyera apil na ang kapin 550 ka mga Palestine fighters.
Bag-ohay lang mikalas sa kinabuhi sa 17 ka Palestinians ang Israeli airstrikes sa duha ka makasaysayanon nga refugee camps sa Gaza human gisulod usab sa mga Israeli tanks ang southern city nga Rafah.
Sumala sa mga residente, mihimo og dagkong pagpamomba gikan sa mga tangke ug eroplano sa pipila ka lugar sa Rafah, diin kapin milyones ka mga tawo ang mipasilong.
