BUTUAN CITY – Gi-angkon ni P/Sr. Insp. Johnson Juanite, hepe sa kapulisan sa lungsod sa Basilisa, Dinagat Island province nga ang dakong kahoy nga naglutaw sa kadagatan sa Sitio Anas, Catadman, sa amaong lungsod nga mi-igo sa de-pasaherong lantsa ang hinungdan sa pagtiklaob niini.
Sa eksklusibong interview sa Bombo Radyo Butuan, gipadayag sa opisyal nga padulong unta sa lungsod sa Tubajon ang maong sakyan ang pandagat nga duna’y tatak nga Gencyrill 2, kansa duna’y lulang 62 ka mga pasahero og walo ka crews dihang mitikla-ob kini human nabuslot sa na-igo nga dakong kahoy.
Daling na-rescue sa mga sakop sa Philippine Coast Guard (PCG) Basilisa og gisakay sa nagsunod nga sister boat nja Gencyrill4 ang mga sakay niini hinungdan nga wala’y natalang casualty. (Beth Ruiz)
