BUTUAN CITY – Nag-isyu og show cause order ang Department of Energy batok sa 70 ka gasolinahan tungod sa gika-ingong pagsaka sa presyo sa ilang mga produktong petrolyo taliwala sa epekto sa nagpadayon nga kagubot sa tunga-tungang sidlakan.
Sigon ni Energy Secretary Sharon Garin, kinahanglang muhatag og saktong pagpasabot ang maong mga gasolinahan aron dili sila mapasirad-an ug matangtangan og lisensya sa rason nga ang ilang gihimo, dakong supak sa balaud ilabina nga ka-usa lang kada-semana ang gitugot nga usbaw.
Nagpahimangno ang opisyal nga mahimo silang kasuhan ug matangtangan sa oportunidad nga makapadayon sa ilang negosyo ilabina kadtong mga nalambigit sa hoarding nga naghatag og dakong perwisyo sa atong mga kababayan.
Sumala sa kalihim, kasuhan ug ipasira sa DOE ang mga establisimiento nga mapamatud-ang nakalapas sa balaod.
