BUTUAN CITY – Andam na ang isolation area ning siyudad sa Butuan alang sa gibana-banang 70 ka mga magtutungha ning siyudad nga ipa-ilalom sa 14-day quarantione humnan misalmot sa 2020 National Festival of Talents sa Tuguegarao City kinsa mangabot karong adlawa.
Kini human gi-inspeksyon kagahapon sa mga personahe sa City Health Office, City Disaster Risk Reduction and Management Office uban sa City Council ang isolation area nga mao ang bag-o ug wala pa magamit nga evacuation area sa Brgy. Baan Km. 3 human gipahulam sa barangay council pagpanguna ni Kapitan Gemma Tabada.
Sa eksklusibong pakighinabi sa Bombo Radyo Butuan, gipadayag ni Kapitan Tabada kinsa mao usab ang presidente sa Association of Barangay Captains kon ABC-Butuan City Federation, nga ang duha ka andanang evacuation center duna na’y kusina, pansayan ug mga kwartong magamit sa mga ‘Persons Under Monitoring kon PUMs.
Kulang na lang kini og linya sa kuryente ug tubig apan gihikay na kini aron masuplayan na.
Gitun-an na sa City government sa Butuan ang evacuation center sa Brgy. Baan Km. 3 nga himuong isolation area ugaling dunay matalang kaso sa 2019 Coronavirus disease kon COVID-19 aron dili .i-ipon sa mga ospital ang mga magpakita og sintomas sa ingon dili makasulod o mukaylap pa ang maong sakit.
Sumala pa ni Tabada, posible usab kining gamiton ugaling dunay matalang Persons Under Investigation kon PUI sa syudad ug ugaling hingpit na kining matuman ihikling ang mga residente nga duol sa maong lugar.
