7 patay sa pagbangga sa tren ug bus sa Slovakia

BUTUAN CITY – Pito ka mga tawo ang patay samtang laing unom ang angol human nagbangga ang usa ka international train ug usa ka bus sa southwestern Slovakia.

Padayon pang gisuta ang hinungdan sa maong aksidente.

Sigon sa  emergency services sa maong nasud, ang tanang mga namatay naggikan sa  bus ug sigon sa Slovak national railway company nga ZSSK, wala’y namatay gikan sa kapin 100 ka mga pasaherong sakay sa  EuroCity train.

Nasayrang nagbiyahe ang tren gikan sa Czech capital Prague ngadto sa Hungarian capital sa Budapest.

Ang locomotive ug ang driver sa tren, iya sa Czech national railway company, samtang ang mga karwahe ug ubang train staff, mga Slovaks.