BUTUAN CITY – Aminado si Butuan City Mayor Ronnie Vicente Lagnada nga nagkagrabe ang kaso sa COVID-19 sa Butuan nga karon duna na’y walo ka mga patay, 89 ka mga aktibong kaso human nadugangan og 18 rason nga mi-abot na sa 215 ang cumulative cases niini.
Sa situational briefing nga gipatawag sa mayor kagabii, gibutyag niining ang pito ka nga namatay posibleng madugangan pa tungod kay ang maong ihap mao kadtong nasusi pa sa nakalabay’ng tulo ka semana ug duna pa sila’y 33 ka suspected COVID-19 deaths nga susihunon pa rason nga wala pa ma-prove.
Bisan sa mga kumpirmadong kaso nga 215, gamay lang gihapon matud pa kini kung itandi sa posibilidad nga kapin na kita sa usa ka libo.
Sa musunod usab nga usa ngadto sa duha ka buwan gikan karon, posibleng musaka pa kini ngadto sa 20-mil ka mga kaso tungod sa kapaspas sa pagkaylap sa virus nga duna’y exponential growth.
Kung nasayran lang matud pa unta nga ingon niini ang mahitabo, gibutyag sa mayor nga unta ning panahuna nag-lockdown ang siyudad ug dili niadtong mga unang semana sa pagkaylap sa pandemya.
Kini ilabina nga bisan sa pag-amping sa siyudad ug tibuok Caraga Region nga dili makasulod ang virus, wala na kini mapugngi pa tungod pag-abot sa mga locally stranded individuals kon LSIs kansa wala usab matud pa matarong pag-monitor hinungdan sa paspas nga pagkaylap sa kaso.
Gani sa mga kaso by barangay, pipila na usab ang duna’y daghang kaso ug nag-una niini ang Brgy. Ambago.
