BUTUAN CITY – Gikumpirma ni 1Lt. Jonald Romorosa , Civil Military Operation kon CMO Officer sa 36th Infantry Battalion, Philippine Army ang nadiskubrihang pito ka tag-20 litros nga container nga puno sa bugas sa langob sa may Sitio Nakatindog, Brgy Bayogo, Madrid, Surigao Del Sur.
Nakumpiska kini mga alas 2:00 sa kaadlawon niadtong Oktubre 16, 2019. Sigon ni 1Lt. Romorosa, gitug-an sa kanhe miyembro sa New People’s Army nga nagsurender ang langob nga gihimo nilang bodega.
Nasayran nga ang suplay nga pagkaon gipanag-iyahan sa Sandatahang Yunit Pampropaganda (SYP), Guerilla Front 30 sa North Eastern Mindanao Regional Committee kon NEMRC.
Pagbutyag pa sa opisyal, ang nasangpit nga mga bugas nagsumikad s a mga sibilyan nga ilang gisugo.
Gisulod nila kini sa container aron dili lisud nga tagoan og dalhon.
Pagbutyag pa sa opisyal, dugay nang gihimu nga bodega alang sa mga suplay nga pagkaon ang nasangpit nga langob, base na usab sa pag-asuy sa kanhe rebelde..
Gidala sa tropa ang nasangpit nga mga food supplies sa kampo sa Advance Command Post (ACP) sa 36IB supply room sa Brgy San Juan, Madrid, Surigao Del Sur ug gilaumang mahatud usab sa kampo sa 36IB sa may Upper Dayoan,Tago, Surigao Del Sur.
