-- ADVERTISEMENT --
BUTUAN CITY – Nakaplagan nang wala nay kinabuhi ug gitoohang gilugos ang na-missing nga 7-anyos nga batang babaye sa may barangay Manapa, Buenavista, Agusan Del Norte.
Sigon ni Patrolman Bungalon, sa Buenavista Municipal Police Station, niadto pang Domingo nawala ang bata, Grade 2 pupil, nga residente sa may Purok-4 sa maong dapit human kini miapas sa iyang lola nga didto sa garden.
Nagtinabangay ang mga silingan sa pagpangeta sa biktima ug kagahapon sa alas 3:00 sa hapon, nakaplagan kini sa kakahuyan nga bahin sa maong dapit.
Wala na kini kinabuhi ug gitoohang gilugos. Sa karun, padayon pa ang imbestigasyon sa kapulisan aron mailhan ang responsable sa maong kremin.
