BUTUAN CITY – Mitay-og ang usa ka gamhanang linog nga miabot sa 7.6 magnitude sa amihanan sa Honduras diha sa Caribbean Sea kaganinang alas 7:23 sa buntag.
Sumala sa taho sa German Research Center for Geosciences ang maong linog dunay giladmong 10 kilometros. Padayon karung gisuta kung duna bay paglihok o damyos sa kayutaan.
Kini na ang pinakakusog nga linog sa maong rehiyon sukad niadtong 2021, sa dihang 7.2 magnitude nga linog ang miigo sa Haiti, sumala sa US National Oceanic and Atmospheric Administration.
Nag-isyu gelayon ang US Tsunami Warning System og tsunami warning human sa linog sa kadagatan sa Caribbean Sea apan ang tsunami wala na gilauman sa US Atlantic o Gulf Coast.
Lakip sa gi-isyuhan og tsunami warning ang Puerto Rico og Virgin Islands apan gikansela kini paglabay sa pila ka oras.
