BUTUAN CITY – Anaa sa ika-unom nga pwesto ang Pilipinas sa medal tally as of alas-10:00 kagabie, sa unang adlaw sa 33rd Southeast Asian Games 2025 sa Thailand human nakakuha og 2 ka gold medals, 2 ka silver, ug 9 ka bronze medals kon kinatibuk-ang 13 ka medalya.
Gilauman nga mosaka pa ang pwesto sa Team Philippines samtang nagpadayon ang kompetisyon, ilabina nga kini ang duna’y pinakadakong contingent sa kasaysayan sa SEA Games nga naglangkob og 1,600 ka atleta ug coaches.
Sa maong torneo, si Justin Kobe Macario nakadaog sa unang gold medal sa taekwondo men’s freestyle poomsae nga gisundan sa women’s 4×100m freestyle relay team ni Olympian Kayla Sanchez human nakadaog og gold medal batok sa Singapore ug Vietnam.
Samtang si John Derick Farr nakahatag og bronze medal sa mountain bike downhill event, nga nagpakita sa kusog ug kalapad nga partisipasyon sa Team Philippines sa Thailand.
