BUTUAN CITY – Gisaka na sa gobyerno sa Pilipinas ang crisis alert sa Israel ug sa Iran ngadto sa level 3 kon voluntary repatriation alang sa mga Pilipino sa maong mga nasud.
Tungod niini, gi-awhag sa Department of Foreign Affairs (DFA) ang mga Pilipino nga motuman na sa gipanawagang voluntary repatriation. Gisaka sa gobyerno sa Pilipinas ang crisis level 3 o voluntary repatriation tungod sa nagkagrabeng gyera sa duha ka nasud. Nasayrang duna pay 30,000 ka mga Filipino workers nga atua karon Israel kansa kadaghanan mga caregivers, samtang kapin usab sa 1,000 ang atua sa Iran.
Sigon sa DFA, mahimong makigkoordinar sa ilang buhatan ang OFWs nga interasado nang mupa-uli sa nasod samtang dili pa full scale ang pagbinayloay og missiles sa Israel ug Iran.
