BUTUAN CITY – Boluntaryong mitahan sa ilang kaugalingon ang unom ka nahabiling membro sa Philippine National Police Drug Enforcement Group–Special Operations Unit (PDEG-SOU) sa Region 4A nga nalambigit sa pagpangawat ug pagpanglugos sa Bacoor City, Cavite.
Sigon ni PDEG acting director Brig. Gen. Elmer Raga, personal siyang midalikyat sa PDEG regional office aron susihon ang maong mga pulis kinsa gidala ka-uban ang laing walo nga una na usab nga misurender PDEG headquarters kondiin pormal na silang gipasakaan og mga kasong robbery in band ug rape.
Gawas pa kini sa kasong administratibong ilang atubangon sa National Police Commission (NAPOLCOM).
Dugang pa ni Ragay, ang maong mga pulis gitangtang na sa ilang pwesto ug gipa-ilalom sa restrictive custody dungan sa pagbutyag nga bugtong ang unit commander lang sa nalambigit nga mga pulis ang gihulipan samtang ang wala nalambigit, maoy nagpabilin sa puwesto.
