-- ADVERTISEMENT --
BUTUAN CITY – Misaad ang Israel nga padayong maglusad og sunod-sunod nga mga airstrikes ngadto sa Iran partikular na sa mga nuclear sites sa Isfahan ug Natanz.
Sumala sa Israeli Defense Forces, napatay nila ang usa sa mga kadagkuan sa Iran nga si Revolutionary Guard chief Hossein Salami ug lain pang uban. Sigon usab sa Iran, unom na ka mga scientist sa ilang nasod ang namatay, wala pa’y labot sa kabataan.
Subay niini, gihangyo na ni United States President Donald Trump ang Iran nga mohimo og kasabutan mahitungod sa ilang nuclear programme.
Nagbahad usab kini nga mas dako pa nga kadaot ang masinatian sa Iran gikan sa Israel ugaling dili kini motuman sa ilang kagustohan.
