BUTUAN CITY – Gikumpirma ni Atty Mae Divinagracia, abogado ni anhing Department of Public Works and Highways (DPWH) undersecretary Catalina Cabral nga unom ka kahon sa mga dokumento nga gipakita sa opisyal ngadto kaniya adiser kini namatay ang wala pa ma-turn over ug wala na karon makita kondiin bisan ang na-ilong pamilya niini, wala na usab makabalo kung asa na kini karon.
Sa usa ka interview, gipadayag sa abogado nga ang unom ka mga kahon, duna’y sulod nga mga dokumento nga duna’y kutay sa pagpangandam sa tinuig nga budget proposals sa maong departamento gikan niadtong tuig 2023 hangtud 2025.
Ang maong mga files gikatakda unta matud pang i-roganisa ug i-turn over ni Cabral ngadto sa legal team adiser siya namatay apan wala na mahimo tungod sa iyang kamatayon.
Ang maong mga dokumento naglakip matud pa sa mga listahan sa mga proyekto, mga sinulat ug gipang-type nga mga notes, nagkada-iyang requests, kondiin pipila niini duna’y pangalan matud pa sa mga project proponents.
Iyang giklaro nga dili tanang mga dokumento makutay ngadto sa national budget, tungod kay ang uban, mga presentations man lang ug ubang mga internal materials.
