BUTUAN CITY – Andam ang Armed Forces of the Phiippines kon AFP nga mag-dispatch og mga personnel alang sa maritime emergency human nasangad sa sidlakang bahin sa Pag-asa Island sulod sa Kalayaan Group of Island sa West Philippine Sea ang Chinese flagged fishing vessel niadtong Sabado sa hapon.
Sigon sa Public Affairs Officer sa Western Naval Command nga si Capt. Ellaine Rose Collado, mismong mga residente ug mga mananagat sa nasangpit nga bahin sa Pag-asa Island ang nakakita sa nasangad nga barko kansa kaparehas sa mga Chinese maritime militia vessels.
Subay niiini, daling nagpadala sa ilang mga sakop ang Philippine Coast Guard (PCG) sa maong lugar samtang gi-alerto usab ang Armed Forces of the Philippines (AFP) alang sa mamahimong assistance nga kinahanglanon sa mga personahe sa Philippine Coast Guard kon PCG.
Saysay pa ni Collado, nadikitan sa PCG ang lokasyon sa maong barko, ug gikumpermang nasangad gayud kini sa mabaw nga bahin sa Pag-asa Island ug nakabiya na.
