BUTUAN CITY – Andam na ang Regional Task Force on COVID-19 One Caraga Shield sa pagpangabot sa 69 ka mga overseas Filipino workers kon OFWs nga stranded OFWs kondiin mudunggo sa pantalan sa Nasipit Agusan del Norte ang ilang sakyang barko karong Lunes sa alas-otso sa buntag.
Ang maong mga OFWs, langkuban sa tag-15 nga taga-Agusan del Norte ug Agusan del Sur; upat sa Surigao del Norte; 14 sa Surigao del Sur ug 21 ning siyudad sa Butuan.
Sigon ni One Caraga Shield chairman Dale Corvera, base sa gipasalig kanila ni Inter-Agency Task Force Chief implementer Secretary Carlito Galvez, ang maong mga OFWs gi-quarantine na og 14 ka mga adlaw ug gipa-ilalom sa rapid anti-body test rason nga ang mga nagpositibo maoy pabilin pang gi-quarantine samtang ang mga nagnegatibo mao na ang gitugutang maka-uli sa mga probinsyang ilang gigikanan.
Apan adiser sila pasakyon sa barko, subli silang ipa-ilalom sa rapid test ug susamang lakang ang himuon kondiin ang mga magnegatibo lang sa coronavirus ang pasakyon sa barko hangtud nga sila maka-abot na sa pantalan sa lungsod sa Nasipit.
Sigon ni Governor Corvera, pag-abot sa pantalan sa maong lungsod, sugaton sila og sakyanan sa ilang hingtungang mga city o kaha provincial government units diretso na ilang gigikanang lalawigan. Ang mga diil matud pa sunduon sa ilang hingtungdang local government unit, pabalikon og sakay sa barko.
Samtang gi-verify pa ning sibyahan ang gipagawas nga impormasyon sa Philippine Information Agency kon PIA-Caraga nga ilang nakuha gikan sa MARINA-Caraga, nga isibog matud pa ang biyahe sa maong mga OFWs subay sa bag-ong direktiba nga ipa-ilalom una sila sa Reverse transcription-polymerase chain reaction kon RT-PCR test adiser papa-ulion.
