BUTUAN CITY – Hingpit nang nadawat kaganinang buntag sa ika-76 nga membro sa Bombo Millionaire’s Club nga si Evelyn Taguba, taga-Malibay St., Tuguegarao City ang iyang nadag-ang usa ka milyon ka pisos isip grand prize winner sa 1-2 Panalo Part 22 promo balde-baldeng papremyo na may cash pa!
Apil sa naka-claim sa ilang daug ang upat ka mga regional winners sa tag-50 mil pisos nga sila Reyzel Bassig sa Navotas City alang sa National Capital Region; Mierien Factor sa Cauayan City alang sa Luzon samtang si Jennifer Gacang usab sa Pinamungahan, Cebu alang sa Visayas ug Corina Olivar sa Opol, Misamis Oriental alang sa Mindanao area.
Hingpit na usab nga nadawat sa mga area winners dinhi sa dakbayan sa Butuan ang ilang nadag-ang cash prizes alang sa una ngadto sa ikatulong ganti sa 1-2 Panalo Year 22 ng Bombo Radyo at Star FM Balde-Baldeng Papremyo na may Cash pa.
Unang gi-claim ni Sharon Joy Marabillas sa Purok 1, Brgy. Baan Riverside ang iyang nadag-ang 5-mil pisos nga ganti nga gamiton matud pa niya pagpalit og panginahanglanon sa iyang pamilya.
Dako ang iyang pasalamat sa Bombo Radyo Philippines ug sa mga sponsors sa pagpasi-ugda sa maong promo tungod kay dakong tabang matud pa kini sa yanong katawhan.
Gipadayag usab sa second prize winner nga si Edita Pamilar sa Purok 2, Brgy. Bonbon nga kini pa ang unang higayon nga nakadaug sa promo rason nga sobra kalipay ang iyang gibati human nakuha ang 10-mil pisos niya nga ganti.
Gipadayag ni Joy Balane sa Purok 5, Brgy. Ampayon ning siyudad nga tumang kalipay usab ang iyang gibati tungod kay wala siya sukad makadaog sa mga weekly draws ug labw na nga wala siya magdahom nga makadaog sa grand draw.
Iya matud pang gamiton ang nadag-ang 15-mil pisos og pangpalit sa konsumo sa ilang balay ug pangbayad sa mga bayrunon.
