BUTUAN CITY – Andam na ang Agusan del Norte Electric Cooperative, Inc. Kon ANECO paghatag og igong supply sa kuryente alang sa May 9 local ug national elections.
Sa eksklusibong pakighinabi sa Bombo Radyo Butuan, gipadayag ni ANECO General Manager Darwin Daymiel nga niadtong Enero pa lang ning tuiga nagsugod ang lang pagpangandam ilabina ang paghimo na sa ilang preventive maintenance sa ilang mga pasilidad partikular sa ilang mga substations.
Gawas pa kini sa gihimo nilang massive clearing sa ilang mga distribution ug transmission lines aron lang masiguro nga duna’y igong supply sa kuryente ang Agusan del Norte ug Butuan City adiser, atol ug human mismo sa adlaw sa eleksyon.
Dugang pa ni Engr. Daymiel, fully restored na ang entiro nila franchise areas nga na-apektuhan sa bagyong Odette.
Nagkatagbo na usab sila sa mga opisyales sa Commission on Elections kon COMELEC, Department of Energy ug sa National Electrification Administration alang sa pagplastar na sa ilang Energy Task Force Election.
Duna matud pa sila’y mga crews nga ibutang sa matag-polling precinct aron daling maka-communicate sa ilang command center ning siyudad sa Butuan.
Apil matud pa sa ilang mandato ang pagsusi sa mga line connections sa mga tunghaan nga maoy gamitong polling precinct gikan sa poste ngadto na sa sulod sa tunghaan ingon man ang mga canvassing centers sa matag-munisipyo.
