BUTUAN CITY – Mi-abot sa 38 ka mga Returning Overseas Filipinos kon ROFs ang nangabot kaganinang alas-2:50 sa kaadlawon sa may Bancasi airport lulan sa PAL sweeper flight PR 4993.
Sa maong ihap, 13 kanila ang taga-Butuan City; tag-pito sa Agusan del Norte ug Surigao del Norte; upat sa Agusan del Sur; lima sa Dinagat Islands samtang nasagol ang tag-usa nga taga-Misamis Oriental ug taga-Gingoog City.
Sa maong ihap usab, 18 kanila ang nasundo na sa mga sakyanang gikomisyon sa ilang gigikanang local government units sama sa 13 ng taga-Butuan; usa sa Cabadbaran City; tulo sa lungsod sa Remedis T. Romaldez kon RTR, Agusan del Norte ug usa sa lungsod sa Sibagat, Agusan del Sur.
Ang nahabiling 20, temporaryong gidala sa akomodasyong gi-arranged sa Overseas Workers’ Welfare Administration kon OWWA-Caraga adiser nakuha misundo kanilang mga sakyanan.
Pareho silang gipa-ilalom sa health protocols sa tagsa-tagsa nila ka mga lugar.
