BUTUAN CITY – Pabiling luwas gikan sa makamatay nga COVI-19 ang mga personahe sa Bureau of Fire Protection kon BFP-Caraga taliwa nga dunay 108 ka mga personahe usab sa BFP-Central Office ang nataptan niini.
Sa pakighinabi sa Bombo Radyo Butuan, gipadayag ni Romel Tradio, Regional Director sa BFP-Caraga, hugot nilang gipatuman ang mga health protocols sa ilang han-ay sama sa disinfection, pagsuot og Personal Protective Equipment kon PPE hangtod na sa pagpalig-on sa panglawas.
Gidugang pa ni Tradio, isip mga frontliners diha sa mga checkpoints, pabilin gihapon silang naghimo sa ilang mga nag-unang tahas labina diha sa pagresponde sa sunog.
Samtang gipadayag sa opisyal nga nagpadayon ang pagpangdawat nila og dugang pwersa sa ilang han-ay.
Nanawagan kini sa tanang interisado nga magpasa og application personal man o online dungan sa pagbahad sa mga fixers dunay kabutangan nila higayong mapatud-an nagbuhat og hiwing mga kalihukan.
Hnagtud Hulyo 12, lang ang pagdawat nila og application gikan sa mga gustong mahimong bombero.
