BUTUAN CITY – Nasubo ang Civil Aviation Authority of the Philippines kon CAAP-Butuan sa pagkahagsa sa Westwind RPC-5880 sa NAIA kagabii nga mikalas og walo ka mga tawo.
Sigon ni Evangeline Daba – manager sa CAAP-Butuan, naka-landing pa sa Bancasi Airport ning siyudad niadtong Sabado ang aircraft sa Lionair Incorporated tungod sa gihatud nga mga medical supplies ug personal protective equipment kon PPEs alang sa Butuan City human unang nakahatud og susamang mga gamit sa Zamboanga City.
Sa eksklusibong interview sa Bombo Radyo Butuan, gipadayag ni Daba nga nadugay-dugayan pa sa Bancasi Airport ang mga pasahero sa maong abyon tungod kay naghulat pa sila sa ilang clearance ug sigon sa iyang mga staff, mga buutan ng mga biktima kinsa mupahiyom pa gihapon taliwa sa gibating kakapoy tungod sa laras nilang paghatud og mga supplies ngadto sa nagkada-iyang lugar sa nasud.
Wala magdahom si Daba nga makuhaan na usab og medical personnel ang nasud taliwa sa gi-atubang natong hulga nga hatud sa COVID-19.
