BUTUAN CITY – Nagpagawas ang office of the President sa Mindanao State University kon MSU ug memorandum ngadto sa tanan nilang faculty and staff alang kang Ivan Almeda.
Tumong sa memorandum nga pirmado ni Ph.D Florencio D. Recoleto Jr., Vice Chancellor for Academic Affairs and Officer-in-Charge ang Voluntary Monetary Contributions isip tabang pinansyal sa freshman student sa MSU nga si Ivan P. Almeda kinsa kasamtangang anaa karon sa Intensive Care Unit kon ICU sa Amai Pakpak Medical Center kon AMPC, Marawi City.
Gihatagan na usab og security personnel ang lawak sa biktima gikan sa Division of Security Services sa maong tunghaan base na sa kamanduan ni MSU System President Habib macaayong kinsa una nang misaad nga imbestigahan ang maong hitabo og buhaton ang tanan aron mahatagan og hustisya ang biktima. Kahinumdumang gipusil sa ulo si Almeda niadto October 17 sulod mismo sa MSU campus sa wala mailhing mga responsable.
