BUTUAN CITY – Gi-monitor na sa Filipino community sa Japan ang sitwasyon sa atong mga kababayan nga na-apektuhan sa paghapak sa bagyong Hagibis.
SIgon ni Marites Discipulo Kawahara kini human nakig-alayon sa ilang komunidad ang Philippine Embassy sa Tokyo dungan sa pakig-alayon na usab sa Department of Foreign Affairs ngadto sa ilang mga Japanese counterpart alang sa posibleng ihatag nga humanitarian assistance.
Gidugang ni Kawahara, nagpa-abot na usab sa iyang simpatiya si Pangulong Rodrigo Roa Duterte ngadto sa katawhan ug kagamhanan sa Japan alang niadtong mga nahanaw, na-angol, nakalas ug nawad-an og pinuy-anan human gikuso-kuso ni Hagibis.
Dako ang pagpasalamat ni Kawahara nga atua sa Yokohama-Shi nga natapos na ang lima ka oras nga wala’y hunong nga ang paghaguros ni Hagibis rason nga milyunes ka mga tawo na karon ilabina sa Tokyo ang nakamata ug nasaksihan ang hayag na nga kawanangan ug maklaro na ang adlaw.
Dako usab ang ni Steve Dekker kinsa nagpuyo sa Shonan area – mga 50-kilometros ang gilay-on gikan sa Southwest Tokyo, nga minos lang ang epekto sa bagyo ngadto sa ilang lugar tungod paggasto og dako sa ilang kagamhanan diha sa mga infrastructure projects ilabina sa pagpugong sa dakong baha.
Balik-serbisyo na usab ang mga train lines ug nagpadayon pa ang major rescue operation, nga gi-apilan sa 27-mil ka mga personahe sa Self-Defense Force didto sa central, eastern ug northeastern regions.
Padayon pa ang pagpanguha og impormasyon sa mga opisyal og gidetermina ang kinatibuk-ang ihap sa nga nakalas nga sa pagkakaron, mi-abot na sa 26 samtang 16 usab ang missing og laing 166 ang angol.
