BUTUAN CITY – Wala na makalikay pa sa kamatayon ang usa ka senior citizen human nasapon sa wing van nga midaro sa usa ka burger stand sa kilid sa kalsada sa may Purok 2, Brgy. Trinidad, Surigao City sa lalawigan sa Agusan del Norte.

Na-ila ang biktimang si Elizabeth Calang Besagas, residente sa Purok 5 sakop sa maong barangay.

Guba usab ang burger stand nga gipanag-iyahan sa Trinidad Sustainable Livelihood Program Association ugn gipakisayran pa sa manager nga si Elsie Placeros Cayangcang, 44 anyos nga residente usab sa maong lugar ang kinatibuk-ang damyos niini.

Migawas sa imbestigasyon sa kapulisan nga ang kolor blue nga Hino wing van mga gimaneho ni Romelando Gania, 28 anyos, ulitawo og residente sa Brgy. Poblacion, lungsod sa Marihatag, Surigao Del Sur, padulong unta dinhi sa siyudad sa Butuan dihang nawad-an kini og brake rason nga gilikayan ang nag-unang sakyanan.

Dinhi na niya na-intimano pagbangga ang biktima nga mideretso pa sa burger stand.