BUTUAN CITY – Dako ang pagpasalamat ni Agusan del Norte 2nd District Congresswoman-elect Ma. Angelica Rosedell Amante-Matba ngadto sa tanang mga Agusanons tungod sa makabubungog nga suportang ilang gihatag ngadto kaniya og sa tibuok PDP-Laban alang sa provincial slate.
Kini human usab nila na-angkon 10-0 victory kondiin particular niyang giparot ang iyang igsoong si incumbent Congressman Erlpe John Amante. Samtang mulingkod usab hulip kaniya si Dale Corvera og na-retain sa iyang pwesto si re-elected Vice Gov. Ramon AG Bungabong.
Napili usab pagka-provincial board members ang ilang mga ka-ubanan sa partidong sila Bobong Chan, Babette Calo, Rudy Pitogo, Nieva Famador, James Reserva, Dick Victor Carmona og Erwin Dano
Alayon niini, nanawagan ang bag-ong gobernadora ngadto sa ilang mga naparot nga ka-atbang ilabina sa iyang Manoy Ping nga makigtinabangay na kanila og kalimtan na ang ilang mga away atoll sa pagpangampanya.
Aminado usab ang bag-ong napiling kongresista nga kabahin na sa kultura sa mga Filipino ang pagpamaligya og mga boto.
Apan iyang giklaro nga dili sa kanunay ang kwarta maoy mupadaog sa usa ka kandidato kondili ang hukom gihapon sa mga botante sa mga lider nga ilang gibotaran. Kini tungod kay dili matud pa sa tanang panahon nga ang manghatag og kwarta mao usab ang mudaog.
