BUTUAN CITY – Gipasuspende sa Sandiganbayan Second Division og 90-ka adlaw si Bislig City, Surigao del Sur Mayor Librado Navarro tungod sa pending nga kasong graft may kalabutan na sa anumalusong pag-purchase sa usa ka hydraulic excavator niadtong 2012 sa kantidad nga 14.75-milyones pesos.
Nasayrang na-purchase ni Navarro ka-uban ang pang mga city officials ang Komatsu crawler-type hydraulic excavator gikan sa RDAK Transport Equipment Inc. niadtong Hulyo 18, 2012.
Base sa evaluation report sa Commission on Audit (COA) na-award ang maong proyekto sa RDAK taliwa sa non-compliance sa mga technical specifications kalabot sa engine power, bucket capacity, og operating weight niini.
Tungod sa maong anomaliya nagpagawas ang COA og Notice of Disallowance niadtong Oktubre 23, 2012 ilabina dihang nadiskubrehang wala’y napresenta ang RDAK nga specification sa Komatsu unit sa ilang bid.
Mahinumdumang sa gipahigayong arraignment niadtong Agusto 10, 2018, nag-plead not guilty sa maong kaso si Navarro rason nga nag-isyu na usab ang anti-graft court og resolusyon niadtong Nobyembre 22 kansa naghatag kaniya og 15-ka adlaw aron ipasabot ang rason kung nganong dili siya ipa-ilalom sa preventive suspension ilalom sa provisions sa Section 13 sa R.A. 3019.
Tungod niini, nagpagawas ang anti-graft court og cease and desist order nga nagdili kang Navarro pag-perform sa iyang mga functions, duties, og privileges sa posisyon isip mayor sa Bislig, Surigao del Sur, o bisan unsa mang public office o posisyon.
Gimando usab ang pagpa-dismiss kang Navarro ka-uban sila Bids and Awards Committee (BAC) chairman Charlito Lerog (City Administrator); BAC members City Treasurer Roberto Viduya, City Planning Development Coordinator Aprodecio Alba Jr., General Services Officer Felipe Sabaldan Jr., City Budget Officer-in-Charge (OIC) Belma Lomantas, OIC-City Engineer Lorna Salgado, og City Legal Officer Daisy Ronquillo.
Na-dismiss na sila Technical Working Group (TWG) members City Accountant Raquel Bautista, Gilbert Abugan, Laila Manlucob, og Estefa Mata.
Gawas sa dismissal gipahamtangan usab sila og accessory penalties sa kanselasyon sa eligibility, forfeiture sa ilang retirement benefits og perpetual disqualification alang sa ilang re-employment sa government service.
Ang lima ka palid nga resolution pirmado ni Chairperson Oscar Herrera Jr. uban sa concurrence nila Associate Justice Michael Frederick Musngi og Lorifel Pahimna.
