BUTUAN CITY – Maibot na sa 62 katawo ang namatay tungod sa grabe nga pag-ulan ug halapad nga pagbaha sa Kenya.
Halos usa ka semana nga nakasinati og grabeng pag-ulan sa Kenya nga miresulta sa pag-awas sa mga suba.
Gisirado ang pipila ka mga kalsada human nakahiagum og kadaot ang tulay sa Nairobi.
Gipahimangno usab sa interior ministry nha makasinati pa og grabeng pag-ulan ug pag-baha sa mga musunod nga adlaw.
Tungod niini, gitambagan nila ang mga residente nga gelayong mohikling sa mga luwas nga lugar.
Gipaneguro usab ni Kenya President William Ruto nga mihimo og pamaagi ang mga otoridad para mabakwit ang mga apektadong residente.
Dili lang sa Kenya ang nasinatiang pagbaha tungod kay bisan sa Ethiopia nakasinati usab og pagbaha lakip na landslides nga mipatay na sa 100 katawo.
