BUTUAN CITY – Gitutukan karun ang mga batang lakip sa 60 katawo nga nalanag human nakakaon sa gi-andam nga pagkapn human ang oath-taking sa mga sitio officers og CVO members sa Brgy. San Isidro, lungsod sa Loreto, Agusan del Sur.
Sigon ni Loreto Mayor Ligaya Otaza, nakahinabi na niya ang doktor sa ilang district hospital diin gipadayag niining anaa na sa luwas nga kahimtang ang tanang biktima sa food poisoning.
Apan dunay mga batang nagsakit pa gihapon ang tiyan ilabina ang siete anyos nga duna nay gihambin nga sakit nga na-trigger tungod sa maong hitabo.
Padayon matud pa ang ilang pagtabang sa mga biktima sama sa paghatag ug pagkaon.
Pahayag pa ni Mayor Otaza nga posibleng nalangay na ang pagbiyahe sa pagkaon nga napasamot pa sa init sa panahon adiser kini naluto na diin lakip ang nag-andam niini, sa mga nalanag.
Gimanduan na usab sa opisyal ang kapitan sa pagmonitor sa iyang residente tungod kay basin duna pay biktima nga wala miadtu sa doktor dungan sa pagklaro nga kinahanglan silang magpa-check-up.
