-- ADVERTISEMENT --
BUTUAN CITY – Gikumpirma sa National Disaster Risk Reduction and Management Council kon NDRRMC nga unom ka mga tawo ang patay, 11 ang angol ug duha ang missing, sa hini-usang epektong hatud sa bagyong Ferdie nga duna’y international name nga Bebinca nga mas mipakusog sa hanging habagat kon southwest monsoon.
Base sa ilang datus karong adlawa, upat sa maong mga patay, natala sa Bangsamoro Autonomous Region in Muslim Mindanao kon BARMM samtang duha usab sa Region 9.
Ang maong daut nga panahon, naka-apekto sa 203,197 ka mga tawo kon 47,166 ka mga pamilya sa 292 ka mga barangay sa tibuok nasud. Sa kasamtangan, anaa sa 13,825 ka mga indibidwal ang anaa sa mga evacuation centers samtang 22,801 ang mipasilong gawas niini nga mga facilities.
