BUTUAN CITY – Gikumpirma ni PCol. Relly Arnedo, provincial police director sa Bulacan nga unom ka mga tawo ang patay human na-igo sa kilat didto sa lungsod sa Pupilan ingon man sa lalawigan sa Pampanga. Naila ang mga biktimang taga-Bulacan nga sila Rexter Enriquez, 16-anyos; Roxane Enriquez, 12-anyos ug April Almorade, 11-anyos.
Migawas sa inisyal nga imbestigasyon nga nagdula ang mga biktima ilalom sa punuan sa mangga sa Barangay Inaon kagahapon. Pauli na unta sila tungod sa pagdag-um na sa palibot apan na-igo sila sa kilat ug gidala pa sa Dr. Magdalena Reyes Hospital sa Barangay Poblacion, diin sila gideklarang dead on arrival.
Samtang didto sa Pampanga, lain tulo usab ang patay human na-igo sa kilat didto sa Sitio Pitak, Barangay Planas lungsod sa Porac niadto pang Lunes.
Naila ang mga biktima nga sila Noel Ocampo, 57-anyos, iyang asawang si Marina, 52-anyos ug ang ilang anak nga si Francis Brintel, 14-anyos kinsa ‘patay on-the-spot.
