BUTUAN CITY – Unom ka mga mangingisda ang patay samtang usa ang anaa sa kritikal nga kondisyon ug lima ang naluwas human nasunog ang ilang gisakyang panagatan kagabii didto sa kalawranm sa Naga City, lalawigan sa Cebu.
Sigon sa Philippine Coast Guard, naka-angkon og grabeng paso sa lawas ang kritikal nga biktima samtang anaa na sa luwas nga kahimtang ang laing lima.
Nadawat matud pa nila ang report pasado alas-8:25 kagabii kondiin ang bangkang pangisda nga FBCA King Bryan nga duna’y 12 ka mga tripolante, ang nasunog samtang anaa sa gilay-ong 1.5 nautical miles sa sidlakangikan sa pinakaduol nga baybayon sa Naga City.
Unang narekober sa Coast Guard Sub-Station Naga ang duha ka patay’ng lawas dihang ila gilayong girespondihan ang maong hitabo.
