BUTUAN CITY – Anaa na sa maayong kahimtang ang unom ka mga indibidwal nga naluwas gikan sa na-unlod nga motorbanca kagahapon sa alas-4:15 sa hapon sa kadagatan sa Basul Island sa Surigao City.
Naila ang mga naluwas nga sila Aljun Ching, 29-anyos, ulitawo, residente sa Brgy. Danawan, Surigao City ingon man sila Michael Balili, 39, minyo, Jitter Segarra, 23, ulitawo, Louie Jay Segarra, 22, ulitawo, Angelou Cawaling, 20-anyos, ug Johnmike Balili, 16, pulos residente sa Brgy. Sabang, Surigao City.
Migawas sa imbestigasyon nga sakay ang mga biktima sa MBCA Princess Iana Jane kansa mibiya gikan sa Duklong, Brgy. Washington sa Surigao City kagahapon ug padulong unta sa Brgy. Danawan.
Dihang nadawat sa mga sakop sa Philippine Coast Guard gikan sa Surigao City Disaster Risk Reduction and Management Office (CDRRMO), nagpadala gilayon sila og Quick Response Team (QRT) sakay sa PCG Rubber Boat RB-064 alang sa Search and Rescue (SAR) Operation.
Na-abtan nila ang unom nga sakay na sa MBCA LEO nga motorbanca kansa milabay lang sa maong lugar ug padulong unta ngadto sa Surigao City hangtud nga luwas sillang nka-abot sa baybayon sa Punta Bilang-Bilang Basin sa Brgy. Taft, Surigao City.
Nasuta nga dihang anaa na sa dapit nga nahitabuan ang MBCA Princess Iana Jane sa may Basuk Island, nasugatan nila ang mga dagkong balud nga misulod na sa illang bangka hinungdan sa pagtiklaob niini.
