BUTUAN CITY – Mi-abot na sa unom ka mga tawo ang kumpirmadong patay sa padayong pagkasunog sa Java Pension House Bacolod nga kanhi Lacson Hotel sa corner Gonzaga-Locsin Streets sa Bacolod City nga nagsugod kaganinang alas-kwatro sa kaadlawon. .
Lakip sa mga naka-check dinhi ang mga estudyante sa Bacolod City, mga turista, mga langyaw’ng negosyante ug mga taga-Negros Occidental nga magpa-check up karong adlawa.
Pipila sa mga guests napugos na pagsaka sa rooftop sa maong hotel tungod sa kabaga na sa aso.
Tungod niini, migamit na og boom crane ang Bureau of Fire Protection ug ang mga fire volunteers aron luwason ang mga tawong anaa sa ikapitong andana sa building.
Dihang naluwas na duha ka mga bata sa rooftop, dinhi usab n nagsugod pag-ulbo ang kalayo.
Sigon ni Fire Chief Inspector Publio Ploteña, Fire Marshall sa BFP-Bacolod, mi-abot sa 5th alarm ang sunog.
Sa interview sa Bombo Radyo Bacolod ngadto sa wala gipa-ilang pedicab driver, nagsugod matud pa ang sunog sa ground floor.
Duna matud pa sila’y nakitang tulo ka tawong misulod sa hotel kaganinang kaadlawon og nangawat og helmet kansa ilan gisunog ug gilabay sa sulod nga bahin.
Samtang gibutyag usab sa empleyado sa pension house nga nasunog ang usa ka motorsiklo sa upholstery store sa ubos nga bahin sa maong building.
