BUTUAN CITY – Unom ka mga membro sa Communist Terrorist Group (CTG) sa Agusan del Norte vang boluntaryong mitahan ngadto sa hini-usang pwersa sa Cabadbaran City Police Station ug sa 29th Infantry “Matatag” Battalion Headquarters sa Purok 4, Brgy Del Pilar sakop sa maong siyudad ning mi-aging adlaw.
Naila ang mga nanurender nga sila Vicente Tello Moldez alias Reb-reb, Team Leader sa Edukasyon Propaganda, residente sa Brgy San Roque, San Miguel, Surigao del Sur. Ikaduha si John Paul Mandag Salahay alias Lawin, membro sa Sandatahang Yunit Pampropaganda 21C, sa huyang na nga Guerilla Front 21, Northeastern Mindanao Regional Committee.
Ikatulo si Wawie Mandag Salahay alias Sorating, Team Leader sa Sandatahang Yunit Pampropaganda 21A sa susamang Guerilla Front 21, Northeastern Mindanao Regional Committee.
Sunod nini sila Caryl Alvarez alias Angel; Erwin Sandag Enriques alias JR ug Angelo Sales alias Sky/Carlo/Third, pulos membro sa Regional Sentro de Grabedad, Northeastern Mindanao Regional Committee.
Bitbit sa ilang pagtahan ang usa ka AK47 rifle, duha ka AR15 rifles, tag-usa ka M4 Carbine rifle ug M14 rifle uban sa unom ka mga buhing bala.
