BUTUAN CITY – Andam nga motabang ang lokal nga kagamhanan sa Talacogon, Agusan Del Sur sa 6 ka miyembro sa New People’s Army nga misurender sa kasundaluhan sa 26IB, Philippine Army kagahapong adlawa.
Sigon ni Ferdausi Saniel Cerna, municipal administrator sa LGU-Talacogon, gipaneguro sa mayor sa maong lungsod nga maoy chairperson usab sa municipal peace and order council, nga mahatagan ug ayuda ang mga surenderee nga mga miyembro usab sa tribong Manobo.
Kini human sa pormal nga pag-turn-over sa mga niini apil na ang ilang dala nga 11 ka nagkalain-laing klase sa mga armas, granada ug mga buhing bala.
Ang duha matud pa sa mga misurender ang gikan sa Guerrilla Front 34 kansa nag-operate sa Loreto, ug Comval Province samtang ang laing 4 ka NPA members nagsumikad sa Guerrilla Front 88 nga nag-operate sa lungsod sa San Luis, La Paz ug Talacogon sa Agusan del Sur. (Rolan Janea)
