BUTUAN CITY – Nagpadayon pa ang search and rescue operation sa unom ka mga minerong natabunan sulod sa gikabot nilang minahan human ang landslide sa Brgy. Bayan, lungsod sa Marihatag, Surigao del Sur.
Sa eksklusibong pakighinabi sa Bombo Radyo Butuan, gipadayag ni PCaptain Dorothy Tumulak, tigpamaba sa Police Regional Office kon PRO-13, nga pito ka mga minero matud pa ang mihimo pagkabot sa yuta kondiin ang unom nakanaog na sa giladmong 30 ka tiil samtang ang usa anaa lang sa baba sa minahan rason nga dlhang midahili ang yuta, katunga lang sa iyang lawas ang natabunan.
Naila ang naluwas nga si Nonito de los Reyes samtang ang unom nga padayon pang gipangita mao sila Eduardo Ubas, Jerome Lucaberte, Menard de Jesus, Jonathan Ocson, Angelito Sicup ug Leo Reyes.
Susihon pa usab sa kapulisan sa maong lungsod kung legal ba ang gihimong pagkabot sa mga biktima.
Nasayrang pila ka adlaw nang nakasinati og pag-ulan ang Caraga Region tungod sa low pressure area.
