BUTUAN CITY – Gikumpirma sa Israel nga narekober sa ilang pwersa ang patay’ng lawas sa unom ka mga hostages nga gikuptan sa Hamas sa Gaza Strip.
Sa statement nga gipagawas sa Israel Defense Forces (IDF), gipadayag niining ang patay’ng lawas napalgan sa underground tunnel sa Rafah area. Gi-ila sa IDF ang maong mga hostages nga sila Carmel Gat, Eden Yerushalmi, Hersh Goldberg-Polin, Alexander Lobanov, Almog Sarusi ug Master Sgt Ori Danino.
Sigon ni IDF spokesman Rear Admiral Daniel Hagari, migawas sa ilang initial assessment nga brutal silang gipamatay sa mga teroristang Hamas adiser nila kini na-abtan.
Human nakumpirma ang kamatayon sa Amerikanong si Goldberg-Polin, gipadayag ni US President Joe Biden nga naglagot siya sa maong balita.
Gi-demand karon sa grupong nagrepresenta sa pamilya sa mga hostages, ngadto kang Israeli Prime Minister Benjamin Netanyahu nga mamulong sa ilang nasud ukg angkunon ang responsibilidad sa pag-abandona sa mga hostages.
