BUTUAN CITY – Gipakisayran pa sa kapulisan ang kinatibuk-ang damyos human gidabdaban sa gibana-banang 30 ka mga armadong kalalakihan nga gidudahangg mga rebeldeng New People’s Army kon NPA ang upat ka mga backhoes, usa ka pay loader og usa ka dump truck kaganinang alas-dose sa tungang gabii.
Sigon sa usa sa mga backhoe drivers nga si Loloy Abulo, gipukaw sila sa maong mga responsable samtang natulog sa gisak-an nilang bunkhouse sa quarry site sa Brgy. Bonbon ning siyudad sa Butuan.
Gipasaksi sila sa pagbubo sa mga responsable og tag-duha ka gallons sa gasolina sa matag-ekwipo dungan sa pagdabdab sa mga niini.
Sa kinatibuk-an, tulo ka mga backhoes og usa ka dump truck ang totally burnt samtang partially burnt usab ang usa ka pay loader og usa pa ka backhoe.
Bisan ang usa sa mga tag-iya sa maong heavy equiments nga si Ali Martinez, blangko pa sa motibo sa nasangpit nga grupo tungod kay wala matud pa siya’y nadawat nga bisan unsa mang communication gikan kanila kalabot sa ilang plano. (Beth Ruiz)
