BUTUAN CITY – Napasakaan na ug kasong illegal possession of firearms and explosives pinaagi sa inquest proceedings ang unom ka indibidwal sa Barangay Balit, nga nasikop sa raid sa kapulisan sa San Luis Police Station, Agusan del Sur.
Sa pakighinabi sa Butuan Radyo, gipadayag ni Police Regional Office kon PRO-13 Public Information officer P/Chief Insp. Rennel Serrano, nga lihitimo ang raid subay na sa search warrants nga gi-isyu sa korte.
Gani walo matud pa ka search warrants ang gipagawas sa korte alang sa 8 ka panimalay nga gituohang adunay mga illegal nga mga armas ug explosibo apabn unom lang ang nagpositibo.
Gikostudiya karon sa San Luis Police Station, ang unom ka mga dinakpan.
Mahinumdumang apil sa nakumpiska sa maong operasyon ang 2 ka granada, 1 ka kalibre .38 nga pistola, upat ka Improvised Explosives Devices kon IEDs, 4 ka blasting caps, 2 ka detonatong cord ug laing 2 rifle granades ingon man usa ka NPA flag. (Melody Valledor)
